American Express компани BNPL буюу одоо худалдан авалт хийгээд дараа төлбөр төлөх бизнес загварыг нэвтрүүлэхээр болжээ. Тус компани нь АНУ-ын хэрэглэгчийн карт эзэмшигчдэд онгоцны нислэгийн төлбөрийг хэсэгчлэн төлөх сонголтыг санал болгож буй аж.

AmexTravel-ээр 100 доллараас дээш үнэтэй нислэг захиалсан үйлчлүүлэгчид удахгүй сар бүр тогтмол төлбөрийн хамтаар нийт төлбөрөө хуваан төлөх Plan It сонголтыг ашиглах боломжтой болж байгаа юм.

BNPL нь богино хугацаанд зах зээлийн эрэлтэт төлбөрийн хэлбэр болсон бөгөөд AmEx-ийн судалгаагаар аялагчдын хувьд сонгох дуртай сонголт гэдэг нь харагджээ. Судалгаанд хамрагдсан америкчуудын гуравны нэгээс илүү хувь нь BNPL зэргийн төлбөрийн уян хатан нөхцөл хэрэгцээтэй байдаг, түүнийг хайдаг тухай сэтгэгдлээ хэлсэн байна.
Миллениалуудын 62% нь энэ моделийг мөн сонирхдог байна.

Түүнчлэн AmEx нь аялал жуулчлалын салбарт BNPL боломжийг олж харсан цорын ганц тоглогч биш юм. Энэ сарын эхээр Их Британийн Fly Now Pay later нэрт стартап компани Series А түвшний хөрөнгө оруулалтдаа 45 сая фунт стерлинг босгожээ.

Монголын Финтекийн Холбоо