“BNPL /Одоо Аваад Дараа Төл/” модельтой Дивидо компани HSBC, ING group тэргүүтэй B төвшний санхүүжилтдээ 30 сая доллар босгожээ.

Уг санхүүжилтийн шатанд IGV-ийн Sony Innovation Fund, SBI Investment, OCS, Global Brain, DG Daiwa Ventures, DN Capital, Dawn Capital, IQ Capital, Amex Ventures зэрэг компаниуд нэгдэв.

Дивидогийн платформ нь зээлдүүлэгчид, худалдаачид, түншүүдийг борлуулалтын цэг дээр холбож, борлуулагчдад үйлчлүүлэгчдэдээ аливаа худалдан авалтын төлбөрийг хэсэгчлэн хийх сонголтыг санал болгодог юм. 2014 онд нээгдсэн тус бизнес нь одоо 1000 гаруй үйлчлүүлэгчтэй бөгөөд хоёр тивийн арван зах зээлд үйл ажиллагаагаа явуулдаг ажээ.

HSBC-ийн глобал зах зээлийг хариуцсан захирал Кэтрин Жоу хэлэхдээ “Дэлхий даяар худалдан авагчид болон худалдаачдын аль алиных нь хувьд зээлийн эрэлт хэрэгцээ их байгаа нь маш тодорхой байна. Дивидо платформ зээлдүүлэгчдэд энэ зах зээл дэх худалдан авагчдад үйлчилгээ үзүүлэх боломжийг олгохын төлөө ажиллаж байна” гэжээ.

Монголын Финтекийн Холбоо