Норвегийн төв банк ойрын хэдэн жилд төв банкны дижитал валютад ашиглах олон төрлийн техник шийдлүүдийг туршиж үзэхээр төлөвлөж байна.

Норжес банкны зүгээс хэрэв Норвегид CBDC нэвтрүүлэх болвол техникийн хамгийн сайн хувилбар нь юу байж болох талаар хайх, судлах зорилгоор энэхүү төлөвлөгөөг гаргаж байгаа аж.

Тус улсад төлбөрийн технологи асар хурдтай хөгжиж байгаа бөгөөд Норвеги улсын нийт төлбөр тооцооны гүйлгээнд бэлэн мөнгөөрх төлбөрийн эзлэх хувь дэлхийд хамгийн бага түвшинд байгаа тухай тус банк тодотгон дурджээ.

Үүний зэрэгцээ бусад төв банкууд CBDC /төв банкны дижитал валют/-ийнхаа ажлыг мөн урагшлуулж байгаагаас дурдвал Швед улс “ e-krona” ажилдаа нэлээд ахицтай байгаа бол Хятад улс аль хэдийн дижитал юанийн бодит туршилтыг хийж эхлээд байгаа билээ. Харин Их Британи нь “Britcoin”-ийн судалгааны ажлын хэсэг байгуулан ажиллаж буй ажээ.

Норжес банкны ерөнхийлөгч Øystein Olsen хэлэхдээ бидэнд CBDC гаргах эсэхээ шийдэхэд нэмэлт мэдлэг, мэдээлэл чухал шаардлагатай хэмээжээ.

Эх сурвалж: finextra

Монголын Финтекийн Холбоо