Бид харилцагч байгууллагуудад мэргэжлийн өндөр түвшинд нууцлал бүхий системийг бий болгох, зардлыг хэмнэх, үйлчилгээг сайжруулах болон эрсдэл, системийн аливаа эмзэг байдлыг олж илрүүлэх, үнэлэх, тэдгээрийг хэрхэн засч сайжруулах талаар цогц хэмжээний зөвлөх үйлчилгээг санал болгодог. Бидний үзүүлж буй энэхүү  зөвлөх үйлчилгээ нь олон улсад хүлээн зөвшөөрөгдсөн чанар стандартуудыг хангаснаас гадна аюулгүй байдлаар мэргэшсэн, олон улсын байгууллагуудаар баталгаажсан батламж, сертификат бүхий мэргэжилтэн инженерүүдээс бүрдсэн баг хариуцан гүйцэтгэдэг.

Бид техникийн засвар үйлчилгээгээрээ дамжуулан харилцагчиддаа уян хатан, найдвартай үйлчилгээг үзүүлж ирснээрээ үүсч болох аливаа алдаа, гэмтлийг шуурхай,  оновчтой шийдвэрлэх, цаашлаад тэдэнд өөрсдийн хөрөнгө оруулалтын үнэ цэнийг урт хугацаанд хадгалах боломжийг олгод онцлогтой юм. Манай санал болгож буй 5x8 тусламж үйлчилгээ нь техникийн засвар болон системийн зэрэг бусад бүхий л төрлийн алдаа гэмтлийн үед цаг хугацаа алдалгүй өөрсдийн үндсэн үйл ажиллагаанд анхаарал хандуулах боломжийг харилцагчдад олгодог.

Тридум э-Секьюрити ХХК нь системийн интеграцчлалын чиглэлээр сүлжээний дэд бүтэц, өгөгдлийн үндсэн (core) сүлжээ, утасгүй сүлжээний шийдэл, агаарын навигацийн үйлчилгээний тоног төхөөрөмж (ИНЕГ), харилцаа холбоо, банкны шийдлүүд, мэдээллийн аюулгүй байдал зэрэг дараах шийдлүүдээр зөвлөх үйлчилгээ, угсралт, суурилуулалт, тусламж үйлчилгээ, сургалт зэргийг үзүүлэн ажиллаж байна.

Бид байгуулагдсан цагаасаа эхлэн банк санхүүгийн салбарт үргэлж мэргэжлийн, бүтээлч, хамгийн шинэлэг шийдлүүдийг нэвтрүүлж ирсэн арвин туршлагатайгаар бөгөөд дэлхийн хэмжээний чанар, стандартуудад нийцсэн бүрэн хэмжээний үйлчилгээ үзүүлэн ажиллаж байна. Мөн бид харилцагчдынхаа хэрэгцээ шаардлагад нийцүүлэн системийн өөрчлөлт, шилжүүлэлт, интеграцчлах ажлыг гүйцэтгэдэг бөгөөд техникийн тусламж, сургалт болон зөвлөх үйлчилгээг тогтмол үзүүлсээр ирсэн.

Бид харилцагчиддаа тэдгээрийн эмзэг өгөгдлүүдэд учирч болох эрсдлийг ойлгох, халдлагаас сэргийлэх хариу үйлдэл үзүүлэх зэргээр өөрсдийн мэдээллийн системийн дэд бүтцийн аюулгүй байдлыг хангах зөвлөгөө тусламж үзүүлэх үйлчилгээг тогтмол үзүүлж ирсэн.

Манай компани нь олон улсад нэр хүнд бүхий ажиглалтын болон агаарын навигацийн зэрэг удирдлагын тоног төхөөрөмж үйлдвэрлэлээрээ дэлхийд тэргүүлэгч Thales Group-ийн Монгол улс дахь түлхүүр түнш байгууллага юм. Дэлхий даяар 170 гаруй оронд ашиглагдаж буй агаарын навигацийн төхөөрөмж нь найдвартай ажиллагаагаараа танигдсан бөгөөд хамгийн хол зайд ажиллах дэвшилтэт технологиор бүтээгдсэн байдаг.

“Харилцаа Холбоо, Мэдээллийн технологийн газар” нь 2018 оны 01 дүгээр сарын 26-ны өдөр “Тридум Э-Секьюрити” ХХК-д Монгол улсын нутаг дэвсгэрт тоон гарын үсгийн гэрчилгээ олгох, үйл ажиллагаа эрхлэх тусгай зөвшөөрлийг олгосон. Энэхүү тусгай зөвшөөрлийнхөө хүрээнд манай компани нь тоон гарын үсгийн технологийг орчин үеийн бүхий л хэрэглээнд нийцүүлэн, хэрэглэгчдэд ойлгомжтой, хүртээмжтэй байлгахыг зорилгоо болгож, хувь хүн болон байгууллагад  тоон гарын үсгийн гэрчилгээг олгож байна. Одоогоор бид уламжлалт USB интерфэйс бүхий тээгч төхөөрөмжөөс гадна ухаалаг утас, СИМ картанд суурилсан тоон гарын үсгийн хамгийн дэвшилтэт шийдлүүдийг үүрэг оператор компаниуд болох Мобиком корпораци, Юнител, Скайтел ХХК-иудтай хамтран Монгол улсад анх удаа амжилттай нэвтрүүлээд байна.